STOP JUDGING PEOPLE- Let’s Break Some Stereotypes

Pata nahi kis zamane ki soch humne paal rakhi hai
Humne kuch galat tasveeren apne dimaag me daal rakhi hain,

Har Gujjar Jaat, sharaab aur nashe ka shikaar nahi hota
Har Musalmaan Osama ka rishtedaar nahi hota,

Saari ladkiyaan kharaab driver nahi hoti
Aur sab actresses role ke liye producer ke sath nahi soti,

Punjabi sirf Honey Singh hi nahi Coldplay bhi sunte hai
Aur Sardaar raat ko 12 baje taare nahi ginte hai,

Kyu hum pehle hi logon ko apni nazar ke tarazu me tol lete hai?
Are Bhai, Bihari bhi achi English bol lete hai,

Jo ladka khana bana sake use hum kehte hai Naari
Sare Ghaziabad aur Delhi wale nahi hote Balaatkaari,

Is samasya ka ek hi hai upaay,
Logon ko jane bina mat banaya karo unke baare me apni raay!!!

-Deepak Malhotra

 

Advertisements